Pas lajmit se Antonio Konte do të drejtojë skuadrën e Çelsit në përfundim të Europianit, mediat italiane kanë publikuar një liste me 11 emrat e mundshëm të kandidatëve për drejtimin e kombëtares: Alegri, Mazari, Donadoni, Kapelo, Ranieri, Mançini, Zakeroni, Viali, Kanavaro (me Lipin drejtor teknik) dhe Ventura.
Sipas gazetës italiane “Corrieredellosport”, Mançini, Zakeroni dhe Alegri edhe pse janë të impenjuar me skuadrat e tyre, ata shihen si kandidatë potencialë. Më i përfoluri ndër ta është trajneri i Interit, i cili ka shprehur hapur dëshirën për të drejtuar Kombëtaren.
Më pak mundësi thuhet se ka Kapelo, ndërsa Ranieri është për momentin një nga trajnerët më të suksesshëm që po bën mrekulli me skuadrën e Lestërit, në krye të Premier Ligës.
Por ky i fundit duket se ka një disavantazh, rezultatet jo pozitive me Greqinë.
Ndërkaq, në emrat më favorit shihen kampionët e botës, Lipi-Karnavaro. I pari thuhet se mund të bëjë rolin e drejtorit teknik, ndërsa i dyti trajnerin.
Pas renditjes së 11 emrave, gazeta italiane ka hapur edhe një sondazh se cili merion më shumë vendin në kombëtare.
