Ish-zv.ministri i Shëndetësisë, Klodian Rrjepaj, i cili ndodhet në qeli për koncesionin e sterilizimit, do të dëshmojë ditën e nesërme në Komisionin Hetimor Parlamentar të Shëndetësisë.
Mësohet se Drejtoria e Burgjeve ka dhënë lejen që Rrepaj të lërë qelinë e paraburgimit dhe të paraqitet fizikisht në komisionin për t’u marrë në pyetje për koncesionin e sterilizimit. Ai do të shoqërohet nga forcat e policisë.
Gjithashtu do të pyeten edhe dy prej anëtarëve të komisionit që shpalli fituesin e koncesionit, Marsela Serjani dhe Petro Mersini. Të dy janë në masë detyrim paraqitjeje, por edhe për ta është dhënë leje që të pyeten nga Komisioni.
Ndërkohë, më 3 tetor është parashikuar që të merret në pyetje edhe ish-ministri i Shëndetësisë Ilir Beqaj, ndërsa pritet të dëshmojë edhe biznesmeni Ilir Rrapaj.
