Policia e Gjirokastrës, në bashkëpunim me FNSH Fier njoftuan se kanë arrestuar një 39- vjeçar, në afërsi të Liqenit të Krahësit, pasi qarkullonte me armë zjarri dhe të ftohta si dhe me kokainë.
Për t’iu shmangur kontrolleve, 39-vjeçari me iniciale B.H përdorte një emblemë të Policisë, e cila u gjet në makinë.
Policia njoftoi se ka sekuestruar në cilësinë e provës materiale 1 armë zjarri, 1 armë sportive, 2 armë të ftohta, doza me lëndë të dyshuar narkotike kokainë dhe një emblemë metalike si ato të Policisë së Shtetit.
Materialet në ngarkim të tij i kalojnë Prokurorisë pranë Gjykatës së Shkallës së Parë Gjirokastër, për veprat penale “Prodhimi dhe shitja e narkotikëve”, “Mbajtja pa leje e armëve luftarake dhe e municionit”, “Mbajtja pa leje e armëve të gjuetisë ose sportive”, “Mbajtja pa leje e armëve të ftohta” dhe “Mbajtja pa të drejtë e uniformës”./Opinion.al
