Këngëtari Stefi Prifti i është përgjigjur me anë të rrjeteve sociale gazetarit Arian Cani. Pas performancës së Endrit në YFSF, Cani e ka pyetur Endri sepse Stefi publikonte shpesh statuse kritike për spektaklin.
“A u bë xheloz Stefi që ti more pjesë në këtë spektakël, që shkruan vazhdimisht në Facebook”, ka thënë Cani dhe Endri i është përgjigjur se Stefi nuk ka qenë dakort që ai të merrte pjesë në program, pasi ata kanë shumë koncerte dhe kohëzgjatja e YFSF është shumë e gjatë.
Mirëpo i menjëherëshëm ka qenë edhe reagimi i Stefi Priftit për moderatorin, Arian Cani. Nëpërmjet një statusi në Facebook ai shkruan se:
“Kam disa parime te miat, te cilat me pelqen ti respektoj edhe pse mund te bien ndesh me mendime apo interesa te tjera…!
Me pelqen te jem i vertete dhe shpesh here i them gjerat ashtu sic jane… (pak jane te ngjashem me mua ne kete vend…), sepse shumica jane ne varesi te plote te lirise ne rradhe te pare, interesave, detyrim-percaktimit, mendimit dhe mbase ne konceptin vandal Shqiptar, te vete egzistences…!
Respektoj shume mendimet e tjera, por nuk mund te ri pa shprehur mendimet e mia per ceshtje qe mua me pelqen te flas, si dhe muziken qe e dua shume…”.
