Gjykata e Rrethit Gjyqësor Tiranë ka rrëzuar kërkesën e PD-së për përjashtimin nga çështja e ndryshimit të Statutit të PD të paraqitur nga Komisioni i Rithemelimit të gjyqtarit Agron Zhukri.
Në këtë mënyrë do të jetë ky gjyqtar që do ta shqyrtojë kërkesën e grupit të Rithemelimit në PD. Kujtojmë që më parë, Zhukri ka kërkuar vetë tërheqjen nga kjo çështje, por u refuzua nga gjykata.
Komisioni i Rithemelimit regjistroi kërkesën për statutin e Kuvendit të 11 Dhjetorit më 15 Dhjetor të vitit të kaluar.
Ndryshimet statutore i hapin rrugë primareve brenda partisë, me qëllim fuqizimin e anëtarësisë. Në statut sanksionohet legalizimi i fraksioneve, si dhe përcaktohet largimi i kryetarit në rast të humbjes së zgjedhjeve të përgjithshme, ndërsa kur kryetari i partisë humb zgjedhjet lokale ai ka të drejtë të votëbesohet.
Ndërkohë nga ana tjetër edhe Partia Demokratike pak para Berishës, dërgoi në Gjykatë ndryshimet kushtetuese.
