Statuja e heroit kombëtar, Gjergji Kastrioti Skënderbeu u vendos ditën e sotme në parkun qendror të Budapestit, përballë statujës së bashkëkohësit të tij, heroit të Hungarisë, Janosh Huniadit.
Statuja është ndërtuar sipas modelit të Odise Paskalit, pra versioni klasik i bustit të Heroit tonë Kombëtar, por i elaboruar. Skluptori i kësaj vepre është Agim Rada.
Bëhet me dije se vendosja e këtij busti është nismë dhe dhuratë e Bashkisë së Tiranës per qytetin e Budapestit.
Sipas Kryetarit të Bashkisë së Tiranës Erion Veliaj, monumenti i Skëndërbeut, vendoset në kryeqytetin e Hungarisë, në shenjë nderimi dhe kujtimi për miqësinë dhe bashkëpunimin që heroi ynë ka pasur me Huniadin, por edhe për miqësinë që vijon mes dy popujve dhe dy kryeqyteteve.
“Sapo në Budapest📍, për vendosjen më në fund të bustit të Skënderbeut në Parkun Qendror – dhuratë e @bashkiatirane për Bashkinë e Budapestit në shenjë të miqësisë mes dy heronjve tanë kombëtarë Gjergj Kastriotit dhe Janosh Huniadit”, shkruan Veliaj./Opinion.al
