Sulmuesi i Barcelonës, Leo Messi, përballet sonte me Mançester Siti, e cila do jetë ndeshja e 109-të e tij në Ligën e Kampionëve. Ylli argjentinas iu ka shënuar më shumë gola ekipëve angleze, plot 16 gola. “ Pleshti” do ketë një mundësi për ta rritur numrin e golave përballë ekipëve angleze në Ligën e Kampionëve. Ekipi i “ pëlqyer” i Messit është Arsenali që i ka shënuar 9 gola, më pas në rënditje vjen Mançester Sitit me 5 gola, dhe 2 ndaj Mançester Junajtid (edhe në finale).
Pas ekipëve amgleze, vijnë ato gjermane ku fituesi prej 5-herësh i “Topit të Artë” , iu ka shënuar 15 gola. Ekipi më i pelqyer për Messin në Gjermani është Leverkusen, të cilës i ka shënuar 7 gola (madje 5 gola në një ndeshje), pastaj vjen Bajerni i Mynihut me 4 gola dhe 3 gola ndaj Shtutgartit.
Në vëndin ë tretë rënditen ekipet italiane me plot 10 gola, ku ekipi i “preferuar” i yllit të Barcelonës është Milani, të cilit i ka shënuar 8 gola dhe 2 gola ndaj Romës. Messi iu ka shënuar skuadrave nga 16 vende që janë: Angli, Gjermani, Itali, Skoci, Francë, Holandë, Ukrainë, Greqi, Rusi, Danimarkë, Republika Çeke, Qipro, Spanjë, Zvicër , Portugali dhe Bjellorusi. Kështu 89 golat e tij në Ligën e Kampionevë ai ndan në: 1 “ Pesëgolësh”, 1 “poker”, 5 ” hat-trick”, dhe 18 dopieta, ndërsa në 18 ndeshjet e tjera ai ka shënuar vetëm një gol.
