Eksperti i futbollit, Sulejman Starova ka folur për 77 minutat e luajtura në Shkodër, mes Shqipërisë dhe Maqedonisë, ndeshje që u ndërpre për shkak të reshjeve të dendura.
Starova tha për TVSH se Shqipëria e nisi mirë ndeshjen, mirëpo u mjaftua me vetëm një gol dhe ra në përgjumje.
Sa për golin e Maqedonisë, Starova më shumë i mëshon faktit që Maqedonia e kërkoi golin, duke mosllogaritur gabimin e Kukelit.
“Shqipëria pas shënimit të golit u mjaftua me aq dhe nuk e kërkoi golin e dytë. Mendoj se Maqedonia e kërkoi shumë golin dhe e gjeti atë. Trajneri bëri lëvizjet e duhura, ndërroi lojtarët që nuk po jepnin më në fushë”, tha Starova.
