Pas skandalit diplomatik në Shtëpinë e Bardhë mes Donald Trump dhe Volodymyr Zelensky-t, Britania e Madhe ka hapur krahët për Ukrainën. Janë 2.74 miliard euro hua nga e cila do të përfitojë Ukraina. Keir Starmer në përfundim të takimit me Volodymyr Zelenskyy ka bërë të ditur se do të mbështesë Kievin me 3.5 miliard euro në vit
Një ditë pas skandalit të Shtëpisë së Bardhë, Britania i ka dhënë Ukrainës një kredi prej 2.74 miliardë euro për të forcuar mbrojtjen e saj. Lajmi është bërë i ditur nga Thesari Britanik dhe Ministria e Financave e Ukrainës. Kësti i parë i kredisë pritet t’i jepet Ukrainës javën e ardhshme.
Ministrat e Financave Rachel Reeves dhe Serhii Marshenko nënshkruan marrëveshjen në një ceremoni të shtunën. Huaja është një shenjë e “mbështetjes së palëkundur për popullin ukrainas”, tha ai. Më herët, kryeministri britanik Keir Starmer i kishte bërë presidentit ukrainas Volodymyr Zelenskyy një pritje veçanërisht të ngrohtë në Londër.
“I jam mirënjohës popullit dhe qeverisë së Mbretërisë së Bashkuar për mbështetjen e tyre të madhe që nga fillimi i kësaj lufte”, shkroi Zelensky në platformën X. Me ndihmën e kredisë britanike miliardë dollarëshe, Zelensky dëshiron të përmirësojë ushtrinë ukrainase: “Fondet do të shkojnë për prodhimin e armëve në Ukrainë. Huaja do të përmirësojë aftësitë mbrojtëse të Ukrainës dhe do të paguhet me të ardhurat nga asetet e ngrira ruse. “Kjo është drejtësia e vërtetë – ai që filloi luftën duhet të paguajë për të”, shkroi Zelensky.
Starmer theksoi se të dy donin të arrinin “një paqe të qëndrueshme për Ukrainën, bazuar në sovranitetin dhe sigurinë për Ukrainën – kaq e rëndësishme për Evropën dhe kaq e rëndësishme për Mbretërinë e Bashkuar”.
Zelensky u përgjigj se kishte parë qindra mbështetës të mbledhur jashtë Doëning Street. “Dëshiroj t’ju falënderoj ju, popullin e Mbretërisë së Bashkuar, për mbështetjen tuaj të jashtëzakonshme që nga fillimi i luftës.” Ai tha se ishte “shumë i lumtur” që mund të takonte edhe mbretin Charles III. Zelenskyj vazhdoi. “Ne në Ukrainë jemi shumë të lumtur që kemi një partner të tillë strategjik. Ai shtoi: “Ne llogarisim në mbështetjen tuaj”.
Londra do të mbështesë Kievin të paktën deri në vitin financiar 2030/31 dhe do të ofrojë ndihmë ushtarake ekuivalente me mbi 3.5 miliardë euro në vit.
