Stadiumi i ri në ndërtim i AEK-ut në Athinë, po kthehet në një kantier tragjedish.
Vetëm pak ditë më parë një shqiptar i identifikuar me emrin Koço Capollari, humbi jetën gjatë punës në skelë.
60 vjeçari humbi ekuilibrin dhe u rrëzua nga një lartësi 10 metra duke gjetur vdekjen e menjëhershme.
Por dje, një tjetër punëtor humbi jetën në kantier.
Fillimisht u tha se bëhej fjalë për një aksident pune, por më pas u zbulua se punonjësi me shtetësi greke u hodh vetë nga skela.
Viktima, 60 vjeç, i cili ishte baba i dy fëmijëve, ishte informuar vetëm një ditë më parë se i ishte shkëputur kontrata e punës.
Ky mendohet të ketë qenë edhe shkaku që ai u ngjit në shtyllën veriperëndimore të stadiumit dhe u hodh nga lartësia duke humbur jetën.
