Sri Lanka ka ndaluar mbulimin e fytyrës në vendet publike, pas një vargu sulmesh që kanë ndodhur një javë më parë, duke lënë të vdekur të paktën 250 persona dhe qindra të tjerë të plagosur.
Presidenti i këtij vendi, Maithruipala Sisirsena, ka thënë se ka shfrytëzuar një ligj emergjent për të vendosur këtë kufizim nga dita e hënë. Zyra e tij ka thënë se nga tani ndalohet secila veshje që “pamundëson identifikimin”, në mënyrë që të garantohet siguria kombëtare.
Megjithatë, nikabi dhe burka, që përdoren nga gratë myslimane, nuk janë përmendur në mënyrë specifike.
Sri Lanka vazhdon të jenë në gjendje emergjente pas sulmit në ditën e Pashkës. Dhjetëra të dyshuar janë arrestuar mirëpo zyrtarët lokalë kanë paralajmëruar se shumë të tjerë janë në arrati./Opinion.al
