Ditë e gëzueshme, ditë festive edhe i takon që të evitohen fjalët e hidhura por dua të them që sot nuk kam ardhur për Lulzim Bashën, por për gazetën Rilindja Demokratike.
Kështu është shprehur të premten pasdite për mediat ish-deputeti Astrit Patozi, një prej kryeredaktorëve të RD-së.
I pranishëm në festën e 27 vjetorit të themelimit të RD-së, Patozi shtrëngoi duart me kreun e kësaj partie.
Mirëpo, sipas tij, ai iu bashkua festës me bindjen jo thjeshtë si një ish-kryeredaktor i saj, si një gazetar i saj për shumë vite me radhë, por më tepër si njëri prej njerëzve që në Shqipëri ka një koncept të qartë se çfarë është liria e medias dhe çfarë është liria e shtypit për një vend demokratik.
