Sportistja nga Kosova Urata Rama është eliminuar nga Lojërat Olimpike. Përfaqësuesja e Kosovës ne qitje nuk arriti pikët për të siguruar kalimin për më tej. Ajo përfundoi garën me 402 pikë. Pas 4 serive me nga 10 gjuajtje arriti rezultatin përfundimtar me 402.3 pikë.
Nga 51 garues ajo përfundoi e 48-ta. Rekordi i saj mbetet 409.4 pikë.
Trajneri i saj Ali Pllana tha për mediat në Prishtine se ishte rezultat i pritur, duke shtuar se në Kosovë nuk është investuar shumë në këtë sport.
Disa orë pas eliminimit sportistja nga Kosova ka thyer akullin dhe ka folur për mediat.
“Unë isha sportistja e parë që garova në Rio dhe padyshim që emocionet ishin të mëdha, kjo ndoshta bëri që unë të mos kem rezultate të mira”, ka thënë Urata për RTK-në.
Gjithsesi Urata nuk duhet të dëshpërohet pasi vetë pjesëmarrja në Rio 2016 është një arritje e madhe për atë dhe Kosovën.
