Kreu i Grupit Parlamentar të PS, Taulant Balla, në një dalje për mediat këtë të enjte, deklaroi se po vonon miratimi i ndryshimeve ligjore që ndalojnë ish-spiunët të jenë pjesë e politikës.
Sipas Ballës, shkak për këtë është Partia Demokratike që po pengon ndërhyrjen ligjore që kërkon 3/5 e votave.
Më tej Balla tha se do të ishte e papranueshme që në zgjedhjet e 14 Majit bashkëpunëtori I.M të ishte në listën kandidatëve.
“14 maji po afron dhe do të ishte e papranueshme që në listët e kandidatëve të ishte edhe bashkëpunëtori I.M apo me iniciale të tjera, apo në 2025-n anëtar i Kuvendit të Shqipërisë. Ne këtë gjë duhet ta pengojmë sa më shpejt. Janë ndërhyrje ligjore që kërkojnë 3/5. Dhe më bën përshtypje se këtë gjë e pengon Partia Demokratike. Ose nuk ka shfaqur gatishmërinë e duhur për të kontribuar për miratimin e këtij ligji”, tha Balla.
