Aktualitet

Spitali i Traumës, Manastirliu: Hapje graduale e sistemit shëndetësor


Bëhu pjesë e Grupit Zyrtar të Opinion.al
>> KËTU <<
               Publikuar në : 16:34 - 29/04/20 |
Opi Nion

Ministrja e Shëndetësisë, Ogerta Manastirliu, ka inspektuar ditën e sotme masat e marra në spitalin e Traumës, ku janë transferuar të gjitha urgjencat e kirurgjisë dhe ato të patologjive malinje.

Manastirliu shprehet se spitali i Traumës ka pritur rreth 4000 urgjenca dhe rreth 500 ndërhyrje kirurgjikale të kryera gjatë kësaj periudhe.

Gjithashtu, ministrja deklaroi se do të bëhet hapje graduale e sistemit shëndetësor, por kjo do të varet nga ecuria e situatës së shkaktuar nga COVID19.

 “Shqëtësimi më i madh ka qenë garantimi i shërbimeve të urgjencës për qytetarët në këtë periudhë. Arritëm që të vendosnim përqëndrimin në urgjencën e Spitalit të Traumës të të gjithë kirurgjive, edhe ato të sëmundjeve malinje. Janë rreth 4000 urgjenca të pritura dhe rreth 16-20 ndërhyrje të urgjencës kirurgjikale. Bëmë një organizim të sistemit shëndetësor që të mos mungonte aspak shërbimi cilësor për qytetarët. Jemi duke vlerësuar me shumë kujdes të gjitha fazat e hapjes së sistemit shëndetësor që nuk do jenë dhe aq të shpejta. Pasi duhet që të garantojmë mbrojtjen e pacienteve, mbrojtjen tuaj. Puna nuk ka ndalur në spitale, por për urgjencat kirurgjikale dhe ato malinje do të vazhdojë puna me intensitet nga stafet mjekësore kudo në vend”, tha Manastirliu./ Opinion.al

Pas