Një apel i bërë nga aktivisti Ilir Hoxholli dhe “Dhuro Dashuri” për të ndihmuar Zonjën Valentina nënë e pesë fëmijëve, e cila vuante prej vitesh nga një sëmundje kronike e veshkave, gjeti mbështetjen e menjëhershme nga Spitali Amerikan.
Nëna e Valentinës rrëfeu se familja e tyre jetonte në një varfëri ekstreme dhe nuk kishte mundësi për kryerjen e një operacioni nga i cili varej jeta e Valentinës, që tashmë ishte në limitet e fundit të saj.
Ishte pikërisht Spitali Amerikan, i cili i ka ardhur në ndihmë kësaj familje për të për të shpëtuar jetën e Valentinës. E cila iu nënshtrua një operacioni mjaft të komplikuar me Kirurgun Urolog Faruk Dogan. Tashmë Zonja Valentina gëzon shëndet të mirë dhe mund ti kthehet jetës normale për të rritur të vegjëlit e saj. Stafi i mjekëve të Spitalit Amerikan me në krye Kirurgun Urolog Faruk Dogan morën përsipër dhe përfunduan me sukses ndërhyrjen e komplikuar dhe urgjente, e cila rrezikonte jetën e nënës së 5 fëmijëve.
Spitali Amerikan është treguar gjithmonë i gatshëm të marrë përsipër sfida të reja për shpëtimin e jetëve të sa më shumë njerëzve të cilët vuajnë nga sëmundje të rënda dhe jetojnë në pamundësi të mëdha ekomonike.
