Kryetarja e Kuvendit, Elisa Spiropali ka uruar sot besimtarët myslimanë me rastin e Kurban Bajramit.
Përmes një mesazhi për mediat, Spiropali tha se kjo festë na kujton sakrificën dhe nevojën për politika më të mira që mbështesin shtresat më të cenueshme të shoqërisë.
“Ju uroj të gjithë shqiptarëve Gezuar Kurban Bajramin.
Kjo ditë na kujton sakrificën. Pa sakrificë, nuk mund të korrësh frytet e punës tënde. Kjo ditë duhet të na bëjë që të bëjmë politika më të mira për shtresat vulnerable.
Një mesazh kam edhe për zonat e luftës, ku civilët përballen me situata të rënda. Paqja të vendoset sa më shpejt në zona lufte. Ne si shqiptarë duhet çdo ditë të japim më shumë dashuri e solidaritet.
Të kemi harmoni dhe vëllazëri me njëri-tjetrit”, tha Spiropali.
