Kryetarja e Kuvendit, Elisa Spiropali ndodhet në Prishtinë, ku po merr pjesë në Forumin e 3-të Ndërkombëtar “Gratë, Paqja dhe Siguria”.
Gjatë kësaj vizite, Spiropali u takua me Presidenten e Kosovës, Vjosa Osmani.
Kryetarja Spiropali dhe Presidentja Osmani diskutuan mbi përshpejtimin e integrimit europian dhe euro-atlantik dhe rritjen e rolit të Kosovës në marrëdhëniet ndërkombëtare.
Po ashtu, gjatë takimit u nënvizua edhe rritja e koordinimit për mbrojtjen e të drejtave dhe rritjen e rolit të faktorit shqiptar në rajon.
Postimi i Spiropalit:
Zëri dhe prestigji ndërkombëtar i Shqipërisë, një mbështetje e palëkundur për përshpejtimin e integrimit euro-atlantik të Kosovës, inkurajimin e shtetit më të ri demokratik në Europë drejt partneritetit në NATO, anëtarësimin në Këshillin e Europës dhe njohjeve të reja.
Krah për krah, jemi më të fortë!
