Debati Rama-Meta për Unazën e Re, tashmë ka kaluar në nivel zëdhënësash. Pasi shkroi zëdhënësi i Presidentit Tedi Blushi për projektin e Unazës së Re, është përgjigjur zëdhënësja e qeverisë, Elisa Spiropali. Në një mesazh në twittër Spiropali thotë: Jo veç në mllef dhe në dëshirën për rrëmujë, po edhe në zëdhënie Presidenca është e ngjashme si pikat e ujit me simotrën PD dhe sigruan LSI! Po çarçafët e katranit me bojë i ka më të gjatë dhe padurimin për protestë më të dukshëm.Ah po, edhe dështimin e radhës njësoj do ta vuajnë!”.
Gjithçka mori shkas nga qendrimi publik i Ilir Metës kundër projektit të Unazës së Re. Ai tha se tenderat duhen bërë nga fillimi pasi është shkelur rëndë ligji. Shpjegimi Presidentit ishte i gjatë plot 20 faqe publikuar në faqen zyrtare të Presidencës. Sakaq reagimet ishin të njëpasnjëshme, Rama tha se “Meta e urren qeverinë njësoj si opozita”. Po kështu reagoi edhe kryetari i bashkisë, Erion Veliaj, i cili tha se Presidenti duhet të bashkohet me 99 per qind te qytetareve qe duan rrugen dhe jo 1 per qind qe do bllokimin. Rames dhe Veliaj, Meta iu pergjigj permes zedhenesit te tij Tedi Blushi.
*Me poshte reagimet e plota
/Ri-De
Jo veç në mllef dhe në dëshirën për rrëmujë,po edhe në zëdhënie Presidenca është e ngjashme si pikat e ujit me simotrën PD dhe sigruan LSI! Po çarçafët e katranit me bojë i ka më të gjatë dhe padurimin për protestë më të dukshëm.Ah po, edhe dështimin e radhës njësoj do ta vuajnë!
— Elisa Spiropali (@elisaspiropali) February 3, 2019
