Kandidatja e Partisë Socialiste për deputete në Korçë, Elisa Spiropali e ftuar në studion e “Tonight Ilva Tare” sqaron se pse nuk është përfshirë Alfred Peza në listën e kandidatëve për deputetë.
Analisti Afrim Krasniqi thotë se lista është e mbushur me besnikë ndaj liderëve të partisë.
Pjesë nga diskutimet:
Krasniqi: Lista aktuale tregoi kush është besnik për liderin dhe kush duartroket liderin. Nuk ka asnjë kritikë në shkallë kombëtare. Ne e dimë karrierën e tyre. Nga sekretarët mungojnë dy. Stefan Çipa dhe z.Peza.
Spiropali: Z.Peza ka deklaruar se nuk do të kandidojë, e tha këtë në Kryesi. Nuk ka një pengesë ligjore, por për të fshirë gjithë llumin që është hedhur mbi të, Peza ka vendosur që së pari të përballet me ata që kanë hedhur akuzat dhe më pas do të vazhdojë karrieren.
