Ish-kryeministri Sali Berisha dhe ministrja e Shtetit Elisa Spiropali kanë replikuar ashpër ndaj njëri-tjetrit në Parlament.
Gjatë fjalës së tij, Berisha kërkoi që SPAK të hapë tabulatet telefonike të kryeministrit Edi Rama, duke akuzuar se ka komunikuar me anëtarë të bandave.
“Të falënderojmë për xhaminë, por ne si PD kur të vijmë në pushtet, do paguajmë çdo qindarkë. Për ne çdo autonomia është më e çmuar. Kërkoj komision hetimor parlamentar për dëshminë publike të Prokurorit Arjan Ndoja, i cili thotë se e kam të regjistruar kryeministrin duke diskutuar me banda dhe banditë. Unë e kam sulmuar Arjan Ndoja, s’ka sekret. Unë s’jam kurrë që të vriten njerëzit. Edi Rama, kur ai ishte në breshëri, lëshonte breshëri kundër tij. Sa nuk thoshte; ‘sa keq që shpëtove’. A kishte gisht Rama pas këtij atentati? Çfarë ka pasur në tabulatet që prokurori Ndoja e denoncoi me guxim. S’janë vetëm këto tabulate që komprometojnë Ramën dhe ministrat e tij. Telefoni i famshëm ‘BQ’ është në analizë, po analizon zërat se cili është i këtij dhe cili i atij. Po zbardhen mesazhet e tyre. ( I heqin fjalën)”, tha Berisha.
Pas këtyre akuzave, Spiropali i është përgjigjur Berishës duke thënë se ai ka të drejtë që flet sot, pasi SPAK po hesht ndaj vrasjeve dhe korrupsionit të madh që ndodhi gjatë qeverisjes së ish-kryeministrit.
Sipas saj sot vetëm SPAK nuk i “dëgjon” ulërimat e të vrarëve nga Sali Berisha.
“Sali t’i nuk ke faj që flet për prokurorë, vrasje, grabitje përderisa SPAK të sheh jo vetëm gjallë por me armën ngrehur, përndryshe nuk ka si shpjegohet fakti që ende nuk jep llogari. Korrupsioni jot lemerit nga boronicat e Gërdecit tek kompleksi “Partizani” i dhëndrit, ti e bën mirë viktimën, përdersa SPAK-u nuk i dëgjon ulërimat e të vrarëve. Dua ta them këtu edhe pse me keqardhje, se është kjo shumicë që e ka mbështetur fuqimisht Reformën në Drejtësi, kur hu dilnit në rrugë pikërisht sepse Reforma në Drejtësi kërkonte vota në Kuvend. Ju i bënit presion politikës dhe drejtësisë. Ti bën mirë që e përqesh SPAK-un e dhe quan SKAP përderisa s’të ka kapur dhe të të çojë në të vetmen karrige ku duhet të japësh llogari. Ti thua se Edi Rama po i bën presion SPAKU-ut se ka frikë nga ty politikisht, po ku ka rivalë më të mirë se ty. Rama nuk mund të gjente dot sot një rival më të damkosur se ty. Po të ishte për Ramën dhe PS kandidatura jote do ishte më mirë se asgjëja, të dalësh dhe të kundërmosh siç ke bërë për 31 vite. Ne jemi ndryshe dhe duam t’ia heqim këtë erë politikës shqiptare”, tha Spiropali.
