Kryetarja e Parlamentit, Elisa Spriopali u ndal tek procesimi i integrimit gjatë fjalës së saj në hapjen e Shkolllës së Integrimit Evropian.
Në fjalën e saj, Spiropali tha se këto muaj kanë qenë të rëndësishme për Shqipërinë për shkak të hapjes së negociatave, por edhe për progres raportin.
Sipas Spiropalit, anëtarësimi i Shqipërisë brenda 2030 është përveçse një plan ambicioz edhe një qëllim plotësisht i arritshëm.
“Mobilizimi i faktorit politik e shoqëror, arritjet e deritanishme dhe vullneti ynë për të përshpejtuar ritmet e integrimit na bëjnë të besojmë se anëtarësimi i Shqipërisë brenda 2030 është përveçse një plan ambicioz edhe një qëllim plotësisht i arritshëm.
Gati një e treta e shqiptarëve që votojnë janë qytetarë tipikë evropian dhe se Evropa në Shqipërinë e sotme është dhe më shumë se një flamur që pret një yll me tepër në Bruksel”, tha Spiropali.
