Të enjten “Elbasan Arena” ishte kryefja e futbollit shqiptar pasi Skënderbeu arriti të siguronte kualifikimin për në fazën e grupeve të “Europa League”. Korçarët mposhtën pas dy takime Dinamon e Zagrabit dhe në fund në stadium shpërtheu festa. Në pamje të parë asgjë për t’u habitur, por kështu nuk mendon UEFA e cila mund të gjobisë klubin e Skënderbeut dhe kjo për një asrye vërtetë qesharake.
Gjatë takimit, spikeri në stadium i bëri disa herë thirrje tifozëve të mbështetnin klubin dhe kjo është e ndaluar në rregullore pasi detyra e tij është vetëm të njoftojë për zëvendësimet. Gjithsesi nga se duket ai nuk iu ka rezistuar emocioneve.
Mësohet se gjoba që mund të vijë në adresë të Skënderbeut në këtë rast nuk është shumë e madhe, madje në raport me fitimet e klubit korçar është e pakonsiderueshme. Të paktën thirrjet e spikerit ia vlejtën./BW
