Pak kohë më parë anëtarja e grupit “Spice Girls”, Mel B u shpreh kishte fjetur me pjesëtaren tjetër të grupit, Geri Horner para shumë vitesh.
Pas këtyre deklaratave Geri u shpreh se asgjë nuk ishte e vërtetë dhe nuk e kuptonte përse mikja e saj kishte thënë diçka të tillë.
E gjithë kjo histori ndodhi vetëm pak kohë përpara nisjes së turit ku “Spice Girls” do të këndojnë sërish bashkë, por pa Victoria Beckham, e cila është shprehur se do i ndjekë vajzat gjatë koncerteve.
Shumë media të huaja vunë në diskutim nëse ato do të bashkoheshin sërish pas këtij skandali dhe javën e parë kur u mblodhën Mel B nuk ishte pjesë, por i realizonte provat me vajzat e tjera përmes “FaceTime”.
Megjithatë gjatë ditës së sotme në faqen në Instagram dedikuar turit të grupit ato u shfaqën të katërta së bashku, ndërkohë që po bënin prova, mjaft të lumtura në shoqërinë e njëra-tjetrës. Duket se Mel B dhe Geri Horner e kanë lënë mënjanë çështjen për t’u fokusuar tek turi i koncerteve./Opinion.al/
