Bota

Spanjollët protestojnë kundër masave të izolimit


Bëhu pjesë e Grupit Zyrtar të Opinion.al
>> KËTU <<
               Publikuar në : 21:35 - 23/05/20 |
el ida

Mijëra persona kanë protestuar të shtunën në Spanjë, kundër mënyrës se si qeveria menaxhoi krizën e koronavirusit.

Partia e të djathtës ekstreme, Vox u ka bërë thirrje mbështetësve që të dalin me makina nëpër qytetet më të mëdha spanjolle, në mënyrë që të grumbullohen, por duke mbajtur distancën fizike.

Protestuesit në kryeqytetin Madrid mbajtën flamuj spanjollë nëpër duar, teksa i kanë bërë thirrje kryeministrit socialist, Pedro Sanchez që të japë dorëheqjen.

Spanja ka aplikuar disa prej masave më të ashpra në Evropë, me qëllim të luftimit të koronavirusit.

Në javët e fundit ka lehtësuar disa prej tyre, megjithatë Madridi dhe Barcelona kanë vazhduar të jenë në izolim për shkak të numrit të madh të rasteve të prekura me koronavirus.

Për shkak të masave të marra në fillim të muajit mars, shumica e bizneseve janë mbyllur dhe kjo ka çuar në parashikime për tkurrje të ekonomisë për 12 për qind këtë vit në territorin spanjoll./Opinion.al

Pas