Ekipi i Spanjës ka mbërritur mbrëmjen e djeshme në Aeroportin “Nënë Tereza” dhe menjëherë janë nisur drejt Shkodrës ku janë akomoduar në një kompleks. Udhëtimi i gjatë i ka bërë spanjollët të ankohen lidhur me kushtet në të cilat do të luajnë. Largësia e aeroportit me qytetin ku do të zhvillohet ndeshja është maksimumi i parashikuar nga rregullorja e FIFA. Sikur të mos mjaftonte kjo, ibrikët kanë ankesa edhe për gjendjen e stadiumit “Loro Boriçi”. Fakti që ata do të zhvillojnë dy ndeshjet më të vështira në grup në vetëm 3 ditë diferencë i ka nervozuar më tepër.
Më shumë se shqetësim për fushën, duket se spanjollët po parapërgatitin justifikimin në rast të një rezultati jopozitiv.
