Shirat e fuqishëm kanë shkaktuar përmbytje të mëdha në Lanzarote në Ishujt Kanarie. Pamjet e shpërndara në rrjetet sociale tregojnë rrugët të kthyera në lumenj dhe makinat shihen të braktisura në zona të ndryshme.
Zyrtarët në ishullin, i cili është i njohur për turistët kanë shpallur gjendjen e jashtëzakonshme. Qyteti i Arrecife, në bregun jugor të Lanzarote është më i godituri ku edhe dëmet janë më të mëdha. Në Costa Teguise, shiu i madh shkaktoi dëme të konsiderueshme edhe në tunelet nëntokësore.
Në disa zona thuhet se ranë rreth 60 mililitra ujë për metër katror në vetëm dy orë, më shumë se vlera mesatare e një muaji të reshjeve në Mbretërinë e Bashkuar.
Njerëzit në ishull janë këshilluar të shmangin të gjitha udhëtimet e panevojshme dhe të marrin masa paraprake nëse dalin jashtë. Ndërkohë autoritetet kanë këshilluar pushuesit që planifikojnë të vizitojnë ditët e ardhshme duhet të kontrollojnë fluturimet dhe të kërkojnë potencialisht alternativa.
Nuk është e qartë se sa kohë do t’i duhet ishullit për t’u rikuperuar nga përmbytjet që kanë shkaktuar dëme në rrugë dhe ndërtesa. Përmbytjet vijnë pasi stuhia Olivier goditi ishullin në fillim të javës.
