Një ngjarje e rëndë ka ndodhur në Alicante të Spanjës, aty ku një futbollist 24-vjeçar ka humbur jetën.
Siç raporton Marca, Jakov Jelkic, i cili luante për FC Granges-Paccot në Kategorinë e Tretë Zvicerane, ra në det dhe u mbyt, teksa trupi u gjet të hënën e 3 shkurtit pranë portit.
Ai, së bashku me miqtë e tij të skuadrës kishin dalë në një klub nate dhe raportohet se kishin konsumuar alkool.
Vdekja e Jelkic është konfirmuar nga policët si një vdekje aksidentale, ndërsa klubi i tij bëri homazhe në rrjetet sociale me një deklaratë prekëse.
