Spanja po i merr me seriozitetin e hudur takimet me Italinë dhe Shqipërinë. Trajneri Julen Lopetegui në një intervistë të dhënë për gazetën “Mundo Deportivo” pranoi vështirësinë e përballje të kësaj jave dhe kujtoi se Kombëtarja e De Biasi mundi fqinjin e tyre Portugalinë.
“Italinë e njohim të gjithë, por edhe Shqipëria është një skuadër që po ecën përpara, pasi u kualifikua në finalet e Europianit me meritë, duke lënë jashtë disa ekipe të grupit. Ky ekip fitoi në Portugali dhe ia bëri të vështirë në ndeshjen e kthimit në Shqipëri” – tha trajneri i Spanjës për “Mundo Deportivo”.
Julen Lopetegui pritet të ndryshojë formacionin në varësi të kundërshtarit. Nëse me Italinë do të kërkojë golin nga Diego Costa, me Shqipërinë mendohet të aktivizojë Alvaro Morata. Ndeshja Shqipëri – Spanjë do të luhet të dielën në orën 20:45 në stadiumin “Loro Boriçi”./ TV KLAN
