Miq e familjarë janë në zi për humbjen e 2-vjeçarit, i cili ra në një pus dhe u gjet i pajetë pas një operacioni shpëtimi që zgjati 13 ditë.
Shërbimet e emergjencës punuan pa pushim për të arritur 2-vjeçarin Julen Rosello, i cili ra në një pus të ngushtë dhe të jashtligjshëm më 13 Janar, gjatë kohës që prindërit e tij përgatisnin drekën aty pranë.
Ngjarja tragjike ndodhi në qytetin jugor të Totalan, pranë Malagas në Spanjë.
Autopsia, tregoi se edhe po te kishin mbërritur me herët, ekipet e shpëtimit nuk do të kishin mundur t’a shpëtonin vogëlushin: kishte vdekur që në momentin e rrëzimit.
I mituri kishte dëmtime të forta fizike për shkak të rënies, e cila ka qenë shumë e shpejtë.
Trupi i pajetë i të miturit u gjet të shtunën. Me qindra persona u mblodhën për të shprehur respektin e tyre, ndërkohë që trupi i tij u nis në shtëpinë e funeralëve.
Dëshpërimi dhe dhimbja e madhe mund të shihej në fytyrat e prindërve të tij, Jose dhe Vicky Rosello, të dy 29 vjeç.
(Prindërit e Julenit)
Për 13 ditë, ata shpresuan së bashku me gjithë Spanjën, që i mituri të ishte ende gjallë.
Në vazhdën e përpjekjeve për nxjerrjen e tij, u lëvizën tonelata të tëra dheu e u deshën 300 orë punë të mundimshme pa pushim.
300 vetë morën pjesë në operacionin e shpëtimit që bëri botën të mbajë frymën për 2 vjeçarin, fati i të cilit duket se qe vulosur që në fillim.
Prindërit e Julenit kishin humbur dhe një fëmijë tjetër, Oliverin në moshën 3 vjeç nga një atak i papritur në zemër majin e 2017-tës./The Washington Post/Rel.d/
VIDEO: The Spanish city of Malaga holds a minute’s silence in tribute to Julen Rosello. The two-year-old boy had fallen into a narrow and deep well on 13 January and was found dead on overnight, a tragic end to an intense 13-day rescue operation pic.twitter.com/iRV0OJVGlQ
— AFP news agency (@AFP) January 26, 2019
