Numri i viktimave të COVID-19 në Spanjë është rritur me 619 këtë të dielë. Kjo është një rritje e lehtë krahësuar me ditën e djeshme.
Ministria e shëndetësisë e vendit tha se edhe numri i rasteve të regjistruara ishte rritur gjithashtu, nga 161.852 në 166.019. Pavarësisht kësaj rritja me 4,167 raste të reja është më e ulëta që vendi ka regjistruar që nga 22 marsi, rreth tre javë më parë.
Numri total i viktimave në Spanjë ka shkuar në 16,972.
Popullsia e Spanjës prej 47 milionësh mbetet në izolim të rreptë, por disa punëtorëve u është lejuar të kthehen në punët e tyre, duke përbërë shqetësim se rastet mund të shtohen përsëri nëse masat hiqen shumë herët.
Pavarësisht rritjes së numrit të vdekjeve dhe rasteve të reja në Spanjë, bllokimi i rreptë i vendit duket se po shpaguhet. Rritja e rasteve të reja ishte 2.6% krahasuar me një mesatare ditore prej 12% në fund të marsit dhe 20% në mes të marsit. /Opinion.al
