Bilanc tragjik në Spanjë.
Ministria e Shëndetësisë njoftoi se në 24 orët e fundit, janë shënuar 812 viktima. Kështu, numri total i viktimave në vendin iberik ka arritur tashmë në 7340.
Më tej, autoritetet raportuan se numri i personave të konfirmuar si të prekur nga Covid-19 ka shkuar në 85195.
Edhe pse shifrat kanë një rënie të lehtë nga raportimi i një dite më parë, ku numri i viktimave në harkun e 24 orëve ishte raportuar 838, ato mbeten tejet të larta dhe tragjike.
Kujtojmë se Spanja është një nga vendet më të goditura nga Covid-19 në Europë. Ashtu si Italia, vendi u përball me një shpërthim të menjëhershëm infektimesh, e për pasojë dhe vdekjesh./Opinion.al
