Spanja është gati të dërgojë tanke luftarake Leopard 2 në Ukrainë, raportoi të mërkurën e përditshmja spanjolle El Pais.
Qeveria e kryeministrit Pedro Sanchez kishte rënë dakord më herët të dërgonte tanke luftarake të prodhimit gjerman për sa kohë që ekziston një plan i koordinuar në nivel evropian, shkruante e përditshmja.
Detajet se në cilat kushte do të realizohej kontributi spanjoll janë ende duke u vlerësuar nga Ministria e Mbrojtjes dhe e Punëve të Jashtme, si dhe zyra e Sanchez, La Moncloa.
Ushtria spanjolle ka 108 tanke kryesore luftarake Leopard 2A4, modeli që Ukraina kërkon të ndalojë përparimin rus, tha El Pais.
Tanket Leopard 2 janë prodhuar në Gjermani dhe kështu transferimi i tyre te palët e treta duhet të miratohet nga Berlini.
Polonia dhe Finlanda kanë thënë gjithashtu se janë gati të dërgojnë tanke Leopard 2 në Ukrainë./Opinion.al
