Trajneri i Interit, Luciano Spalletti ka dalë ditën e sotme në një konferencë për mediat për të folur rreth sezonit që u mbyll, ku skuadra zikaltër arriti të renditej në vendin e katërt në kampionat duke siguruar kështu kualifikimin direkt për në Champions League për sezonin e ardhshëm.
Çështja që është diskutuar më shumë është mbajtja në skuadër e Rafinha dhe Cancelo, të cilët janë huazuar respektivisht nga Barcelona dhe Valencia.
“Klubi ka filluar të lëvizë shumë mirë në merkato, por duhen bërë edhe llogaritë sepse ato janë shumë të rëndësishme. Duhet theksuar se Interi ka nënshkruar një marrëveshje me UEFA-n e cila duhet respektuar sepse e dimë të gjithë se çfarë ndodh nëse nuk e respektojmë. Po tentoj t’ju heq pak nga puna sot: Cancelo dhe Rafinha për momentin nuk mund të qëndrojnë tek Interi. Nuk mund t’i blejmë dot. Ne një moment të dytë të shohim nëse do ia arrijmë. Ata të dy janë lojtare të mrekullueshëm. Kush nuk do të donte t’i kishte në skuadër. Na kanë dhënë forcë nga ana futbollistike por edhe nga ana mentale” ka thënë Spalletti përpara mediave.
Ndërkohë skuadra e Interit deri më tani është shumë aktive në merkato, ku deri më tani ka arritur akordin me Stefan De Vrij, Kwadwo Asamoah dhe Lautaro Martinez.
