Spalletti: E kam gjithë ekipin në dispozicion

Një ditë para sfidës Milan-Inter, Luciano Spalletti ka folur disa fjalë për sfidën që do të luhet nesër në orën 18:30.
“Ky nuk është derbi vendimtar, por vlen shumë duke qenë se jo të gjitha skuadrat kanë shansin që të shkojnë në shtëpi me pikë nga kjo sfidë e prapambetur. Është një rast që duhet shfrytëzuar maksimalisht. Momentet negative ndodhin, por ekipi gjithnjë ka besuar dhe dashur që të dalë nga jo situatë. Jemi të bindur për cilësitë tona. Milani është i fortë, por edhe ne jemi” ka deklaruar trajneri i Interit.
Ndërkohë ai ka folur edhe për lojtarët që ka në dispozicion.
“Nuk me intereson fare se çfarë mund të humbim. E kam gjithë ekipin në dispozicion, edhe Ranocchia është rikuperuar. Merita në këtë periudhë është e futbollistëve, duket që janë dashuruar me futbollin. Ky derbi vlen shumë, duhet të kërkojmë të marrim maksimumin nga sfida” ka shtuar më tej trajneri Italian.