SPAK përfundon hetimet për dosjen “Toyota Yaris”, dhe dosja pritet të kalojë për gjykim.
Mësohet se ish-kryeprokurori i Vlorës, Aurel Zarka akuzohet për korrupsion dhe ushtrim ndikimi, avokati Radovan Çela për korrupsion aktiv dhe ushtrim ndikimi, Astrit Vladi për korrupsion, si edhe magjistratja Eriona Dautajt për korrupsion.
Astrit Vladi, është kushëri i Elvis Vladit, i dënuar për 3.4 mln euro të gjetura në makinën “Toyota Yaris”.
Avokatët e tyre mund të kundërshtojnë akuzat brenda një afati kohor prej 10 ditësh.
Aurel Zarka është arrestuar ndërsa tre personat për të cilët është lëshuar masa e sigurisë “arrest me burg”, ish-oficerja e policisë gjyqësore Erjona Dautaj, avokati Radovan Çela dhe Astrit Vladi janë shpallur në kërkim.
Aurel Zarka ishte emëruar në krye në krye të organit të akuzës në Vlorë më 9 maj të 2022, pasi kaloi me sukses procesin e vettingut duke u konfirmuar në detyrë nga KPK.
