Një operacion antidrogë është duke u zhvilluar në Sarandë ditën e sotme, ku janë lëshuar disa masa arresti me vendim gjykate.
Aksioni ka nisur në orët e para të mëngjesit dhe deri tani janë ekzekutuar disa prej këtyre masave.
Bëhet fjalë se operacioni i SPAK është zhvilluar për goditjen e një grupi të dyshuar për trafik droge, hetimet ndaj të cilit kanë nisur që prej vitit 2020.
Prej orëve të para të mëngjesit, forcat policore kanë kryer kontrolle në disa banesa dhe kanë shoqëruar disa persona. Burime nga hetimi bëjnë me dije se deri tani janë arrestuar tre persona, ndërsa kërkimet vijojnë për të tjerët.
Gjatë operacionit janë sekuestruar edhe disa celularë që dyshohet se përdoreshin për aktivitetin kriminal. Autoritetet pritet të japin më shumë detaje në vijim.
