Kreu i Prokurorisë së Posaçme, Altin Dumani ka folur ditën e sotme për çështjen e Kodit të ri Penal.
Gjatë një komunikimi me gazetarët, Dumani tha se SPAK do ta japë qëndrimin e saj në momentin që të njihet zyrtarisht me draftin.
Mes debatit për Kod të ri Penal apo ndryshime në këtë aktualin, kreu i Prokurorisë së Posaçme tha se është i mendimit për këtë të dytën.
“Normalisht që priten debate dhe diskutime përsa i përket Kodit Penal. Debati i parë që duhet të ishte bërë nëse nevojë për një Kod të ri Penal, apo duheshin bërë ndryshime në kodin aktual.
Unë mendoj që duhen bërë ndryshime në Kodin Penal, pasi për shitje narkotikësh, duhet të ndryshohet vepra pasi nuk mund të ketë të njëjtin marzh dënimi si kanabisi, droga sintetike dhe kokaina. Mendoj që marzhin em të lartë duhet ta kenë dorgrat sintetike, që janë me të rrezikshme për jetën e njeriut.
Në ende s’e kemi marrë zyrtarisht, kur ta kemi, do e analizojmë dhe do japim qëndrimin tonë në lidhje, ne nuk jemi përfshirë në grup pune”, tha Dumani.
