Prokuroria e Posaçme Anti-korrupsion e SPAK, ka nisur sot marrjen në pyetje të personave që kanë lidhje me çështjen e tenderit të ushqimeve për të cilin opozita ka kallëzuar penalisht ministren e mbrojtes Olta Xhaçka.
SPAK ka marrë sot në pyetje Ylli Imerin, Dafina Meçan dhe Adriatik Dapajn, të cilët janë anëtarët e komisionit për vlerësimin e ofertës së tenderit në fjalë. Gazetarja Klodiana Lala ka raportuar se ata kanë pranuar përballë prokurorit Ened Nakuçi se e kanë kryer procedurën konform ligjit ndërkaq mësohet gjithashtu se SPAK ka sekuestruar dokumentacionin lidhur me këtë çështje.
Partia Demokratike akuzoi qeverinë dhe ministren Xheçka se ka abuzuar me tenderin e ushqimeve duke ja dhënë atë pa bërë garë një kompanie e cila kishte ndryshuar subjektin e saj vetëm para një jave dhe nuk kishte ekspertizë në këtë fushë.
Sipas PD në këtë tender është përdorur procedura sekrete e tenderimit për të fshehur sipas tyre shkeljet e ligjit me qëllim përfitmin nga ana e zyrtarve të qeverisë. Ministrja Xhaçka i ka mohuar këto akuza publikisht dhe ka deklaruar se është e gatshme të presë hetimin dhe gjykimin e organeve kompetente.
Nesër ndërkohë pritet që SPAK të marrë në pyetje dy administratorët e kompanisë me qendër në Maqedoninë e Veriut e cila fitoi tenderin. Më parë ata kanë deklaruar se kanë përfituar tenderin sipas procedurave konform ligjit. /Opinion.al
