Prokuroria e Posaçme (SPAK) ka përfunduar hetimet dhe ka komunikuar akuzat për anëtarët e 7 grupeve kriminale, që u goditën në kuadër të operacionit “Revanshi”.
Pritet që pas kësaj procedure, organi hetues ti drejtohet gjykatës për seancë paraprake.
Gjatë këtij operacioni u firmosën urdhër-arreste edhe për ish-zyrtarë të lartë policor, si ish-drejtori i Policisë së Lezhës Henerigert Mitri, apo persona me lidhje me politikën si ish-deputeti Arben Ndoka e vëllai i deputetit Eduard Ndreca, Armando Ndreca.
Grupet kriminale vepronin në një territor të gjerë, si Lezha, Durrësi, Kruja, Tirana, Vlora dhe Burreli.
Në kuadër të këtij operacioni të ndërmarrë në maj 2024 u krye fillimisht arrestimi i 20 personave, 14 prej të cilëve në Shqipëri, dhe 6 jashtë vendit, përkatësisht 2 në Itali, 1 në Gjermani, 1 në Spanjë e 2 në Belgjikë.
