Në totalin e projektbuxhetit 2025 për SPAK janë parashikuar 2.17 miliardë lekë. Por kjo shumë është e pamjaftueshme dhe përfaqësuesit kërkojnë më shumë fond, që shkojnë dhe në drejtim të pagave dhe rritjes së personelit.
Gjatë viti të ardhshëm, SPAK i shtohen 40 hetues dhe në pr.buxhet është parashikuar një shumë e tille për pagat, në shumën 250 milionë lekë.
Megjithëse në mënyrë jo të plotë, Ministria e Financave shprehu gatishmëri për të hapur edhe një herë thesin e buxhetit për ta mbështetur strukturën, me shifrat që kërkohen.
“Projekt buxheti i vitit 2025 ka parashikuar 600 milionë lekë, 111 milionë lekë më pak nga nevojat e SPAK, në parashikimet buxhetore për këtë vit edhe pse është reflektuar shqetësimi ynë lidhur me fondet buxhetore për sa i përket shpenzimeve kapitale, investimeve konstatojmë se nuk janë marrë në konsideratë kërkesat shtesë lidhur me pagat . Diferenca bazuar në kërkesat buxhetore nga ana jone, diferenca nga kërkesa jonë me projekt buxhetin është në shifrën 198.170.472 lekë.
Kërkesa shtesë nga SPAK në programin e dytë buxhetor afatmesëm kanë rezultuar me një diferencë shtesë 67 milionë lekësh të cilat janë të detajuara. Ka prioritet përfundimi i rikonstrukturimit të godinës së re dhe urës lidhëse mes dy godinave, do të kërkonim rishikimin sipas kërkesës së paraqitur për një shtesë në shumën 119 milonë lekë në zërin e investimeve”, tha Shehu.
Përfaqësuesi Ministrisë së Financave u angazhua në rishikimin buxhetit të SPAK për zërin e pagave.
“Pjesën e pagave nevojitet që të bëjmë një rakordim me SPAK për të evidentuar se në llogaritë tona paraprakisht themi që jemi në nivelet e akomodimit normal të plotë të nevojave që ka SPAK. Megjithatë jemi të hapur të rakordojmë në mënyrë që të alokohet shuma e kërkuar”, tha ai.
Por ky projekt buxhet përmbush kërkesat e Byrosë Kombëtare të hetimin të cilës do shtohen hetuesit e rinj.
“Në kërkesa shtesë janë paraqitur kërkesa shtesë për personel kërkuar nga Byroja Kombëtare e hetimit, konkretisht për 40 punonjës të cilët janë miratuar në projekt buxhetin e 2025 në pozicionin e hetuesit në shumën e 250 milionë lekë”, tha Shehu.
