Prokuroria e Posaçme kundër Krimit të Organizuar dhe Korrupsionit, kërkoi këtë të martë në Gjykatë, që të bashkohet me dosjen e “Plumbit të Artë” edhe dy vrasjet me 4 viktima të ndodhura në Mars dhe në Prill të 2020-shit në Durrës.
Bëhet fjalë për vrasjet e Dorjan Shkozës dhe Anxhelo Avdisë, në Mars dhe në Prill u vranë dy vëllezërit Besmir dhe Viktor Haxhia.
Gjykata e Posaçme ka pranuar kërkesën e prokurorisë dhe ka bashkuar dy çështjet. Kërkesa e prokurorisë u bë duke qenë se janë të njëjtët persona të përfshirë.
Nga ana tjetër, seanca paraprake ndaj të pandehurve të dosjes dështoi edhe këtë të martë, për shkak të mungesës së disa prej avokatëve./Opinion.al
