Tashmë kandidat i Komisionit të Rithemelimit për Bashkinë e Shkodrës në zgjedhjet e 6 Marsit Bardh Spahia ka folur në krah të ish-kryeministrit Sali Berisha, në konferencën për mediat ku lideri historik i PD-së po prezanton kandidatët.
Spahia tha se është bërë pjesë e një dite historike jo vetëm për PD por edhe për politikën, që sipas tij ktheu rëndësinë e votës.
“U bëra pjesë e një ditë historike jo vetëm për PD por për politikën, Gara e djeshme ishte një garë shpresëdhënëse për të ardhmen që ktheu rëndësinë e votës së qytetarëve të lirë të këtij vendi si e drejta bazike për të vendosur dhe për të zgjedhur ata që do i përfaqësojnë. Kam ndjekur me një emocion të veçantë pjesëmarrjen e qytetarëve shkodranë që prej mëngjesit e deri në darkë.
Jam krenar unë dhe duhet të ndihet krenar çdo demokrat. Uroj të bëhemi shembull i mirë për politikën shqiptare. Dëshiroj të falënderoj kandidatët dhe kolegët e mi që i dhanë vlerë garës së djeshme dhe me të cilët jam i bindur që do vazhdojmë rrugëtimin tonë. Do bashkëpunojmë ngushtë për të garantuar fitoren e PD në zgjedhjet e afërta për bashkinë e Shkodrës”, deklaroi Spahia./Opinion.al
