Kryeministri Edi Rama njoftoi këtë të mërkurë se pas sulmit kibrnetik të 15 korrikut qëndron Republika Islamike e Iranit qëndron pas sulmit kibernetik të 15 korrikut, ku qindra shërbime online u pezulluan.
Por kjo nuk është hera e parë që Irani sulmon Shqipërinë. Në mars të vitit 2018 u parandalua një sulm nga kryegjyshates botërore në ditën e Sulltan Nevruzit, t ë frekuentuar nga anëtarë të nivelit të lartë të organizatës opozitare iraniane Mujahedeen el Khalq (MEK).
Disa persona me shtetësi iraniane të maskuar nën petkun e gazetarëve kishin organizuar një sulm terrorit por qe u parandalua. Ditën e ngjarjes antiterrori shqiptar ndaloi 2 iranianë të cilët u prezantuan si gazetarë por më pas u liruan dhe larguan nga territori shqiptar. Për këtë ngjarje në Shqipëri u dëbuan edhe 2 diplomatë iranianë.
Po ashtu sjellim në vëmendje edhe anulimin e “Samitit Botëror të Iranit të Lirë” në Manzë.
Samiti ishte planifikuar për t’u mbajtur më 23 dhe 24 korrik të këtij viti në kampin Ashraf 3 në Manëz të Durrësit.
Vendimi erdhi pas paralajmërimit të qeverisë shqiptare dhe reagimit të ambasadës amerikane për komplote dhe kërcënime terroriste nga Irani.
Prania e muxhahedinëve disidentë duket se është bërë shkak për acarim të vazhdueshëm të marrëdhënieve mes Iranit dhe Shqipërisë. Shqipëria, vend anëtar i NATO-s dhe aleat i ngushtë me SHBA, ka mirëpritur në 6 vitet e fundit rreth 3 mijë anëtarë të kësaj organizate.
Zhvendosja e tyre në vendin tonë u bë nga bazat amerikane në Irak, ku u rrezikohej jeta nga sulmet me raketa të qeverisë iraniane. Irani e konsideron MEK një organizate terroriste.
