Këtë të enjte pritet të mbahet seanca e radhës në Kuvendin e Shqipërisë.
Enkelejd Alibeaj ka kërkuar interpelancë me kreun e qeverisë, këtë seancë plenare që pritet të nisë në orën 10:00.
Ndërsa grupi i deputetëve që mbështet kreun e PD, Sali Berisha ka depozituar në Kuvend një kërkesë për mocion me debat pa limit kohor për të diskutuar mbi çështjen e McGonigal.
Ndërkaq kujtojmë se kryedemokrati Sali Berisha, dhe deputetët Edi Paloka, Flamur Noka, Edmond Spaho dhe Belind Këlliçi janë përjashtuar për 10 ditë nga Kuvendi pas situatës në seancën plenare të një jave më parë, ku bllokuan foltoren.
