Në fjalimin e tij të natës, presidenti ukrainas Volodymyr Zelensky foli për bisedat që zhvilloi me 11 liderë evropianë të mërkurën, duke kërkuar mbështetjen e tyre në prag të një samiti të BE-së ku do të merret një vendim për statusin e vendit kandidat për Ukrainën.
Çështja e kandidaturës së Ukrainës për në Bashkimin Evropian do të vendoset në samitin e Këshillit Evropian që do të zhvillohet të enjten dhe të premten.
“Nesër do të vazhdoj këtë maratonë – ne duhet t’i ofrojmë mbështetje maksimale shtetit tonë,”-tha Zelensky.
Presidenti dha gjithashtu një përditësim mbi sulmin raketor rus në Mykolaiv, në jug të Ukrainës, më herët të mërkurën. CNN raportoi më herët se Mykolaiv u godit me shtatë raketa dhe pësoi dëmtime në infrastrukturë.
“Për fat të mirë, askush nuk u vra dhe pesë u plagosën”,-tha Zelensky./Opinion.al
