Trajneri i Real Madridit, Zinedine Zidane, tha gjatë konferencës për shtyp se ai nuk do ta rrezikojë Gareth Bale për ndeshjen e së mërkurës kundër Napoli në Champions League, pavarësisht se uellsiani është rikthyer pas një dëmtimi katër mujor. Gareth Bale ka luajtur për herë të fundit më 22 nëntor ndaj Sporting Lisbonë, por ka disa ditë që stërvitet me grupin e plotë të futbollistëve të Real Madridit, megjithatë Zidane tha se ai nuk do të luajë kundër italianëve.
“Kjo ka qenë java e parë që është stërvitur me ne dhe po punon mirë. Ai është i riaftësuar nuk ka asnjë shqetësim dhe do të jetë pjesë e ekipit për ndeshjen e fundjavës kundër Espanyol. Ka qëndruar thuajse tre muaj pa luajtur dhe duhet të jemi shumë të kujdesshëm me të,” – tha Zidane.
Ndërkohë, trajneri i Real Madrid ka thurur elozhe për kundërshtarin Maurizio Sarri, i cili e ka udhëhequr Napoli në një ecuri me 18 ndeshje pa humbje. Italianët synojnë të shkojnë për herë të parë në çerekfinale. “Ai është një trajner shumë i mirë, ka arritur rezultate të shkëlqyera dhe kjo do të thotë se punon mirë, sepse Napoli është ekip që luan një futboll shumë të mirë, – tha Zidane. – Në një sfidë me dy ndeshje me elimin është shumë e rëndësishme të mos pësosh gol. Ky do të pritoteti ynë. Mendoj se Napoli ka një futboll që hap probleme për këdo.”/ Telesport.al
