Si sot më 25 korrik të 2016-ës klasa politike shqiptare u bë bashkë për të votuar me 140 vota pro paketën e refromës në drejtësi, e cila i hapi rrugën e ngritjes së institucioneve të reja dhe pastrimit të gjykatave e prokurorive të vendit nga të korruptuarit dhe të paaftit.
Reforma si një produkt i bashkëpunimit SHBA-BE detyroi mazhorancë dhe opozitë të bini në një mendje dhe kartonat jeshil mbushën sallën e Kuvendit si rrallëherë në historinë e vendit.
Këtë datë e ka kujtuar sot me një postim në Twitter edhe kryeministri Edi Rama.
Kryeministri duke iu referuar vettingut thekson se Pallati i Drejtësisë do të pastrohet nga llumi dhe procesi s’ka më ndalim, ndaj PD e LSI bëjnë mirë të dëgjojnë BE dhe SHBA, që t’i thonë stop ofensivës së tyre ndaj vettingut dhe reformës në tërësi.
„Fiks dy vjet më parë kaloi pas njëmijë qametesh Reforma në Drejtësi. Sot pastrimi i llumit të madh ka nisur pa ndalim. Ndërsa ata njësoj si atëherë i bien njëri gozhdës e tjetri patkoit dhe po njësoj SHBA-BE u kërkojnë t’i thërrasin mendjes Sa gjynah për këdo i beson e dëgjon ende”, shkruan Rama në Tëitter.
