Tema që do të ndiqni sot në “Opinion” do ti kushtohet një debati që kuriozon gjithnjë, seksit. Le të flasim për seksin është tema jonë e radhës, që do të ndiqni live në orën 10:15 në Tv Klan.
A përbën seksi ende një tabu në Shqipëri? Përse seksi mbetet fjala më e klikuar dhe njerëzit hezitojnë të flasin publikisht për të? Raporti midis të bukurës dhe seksit? A mund të jetë një femër e bukur dhe jo seksi?! Për këto dhe shumë gjëra të tjera do të diskutojmë me të ftuarit tanë.
Në panelin e të ftuarve do të jenë psikologia Jorida Rustemi, shkrimtari Albatros Rexhaj, pastori Akil Pano, moderatorja Viola Spiro, Politologu Arjan Galdini, gazetarja Aulona Musta, artisti i njohur Robert Aliaj si dhe modelja e fitness-it, Dorina Mema.
Gjithashtu sonte do të mbyllim edhe sondazhin se cila është femra më seksi shqiptare, që aktualisht ka në vend të parë, këngëtaren Ciljeta Xhilaga. Megjithatë ju keni ende kohë për të votuar.
