Sot në Opinion,  “Informaliteti, si t’i shpëtojmë gjobës” ?

TIRANE – Lufta kundër informalitetit në biznes do të jetë ketë mbrëmje tema e debatit në emisionin “Opinion”. A është kjo rruga e duhur që qeveria duhet të ndjekë në aksionin kundër informalitetit? A po sillet qeveria në mënyrë të barabartë me të gjitha bizneset, apo ky është një aksion ndëshkues vetëm për biznesin e vogël? A e ndihmon biznesin konfiskimi i mallit në shmangien e evazionit fiskal? Këto dhe shumë pyetje të tjera pritet të marrin përgjigje sonte në “Opinion”, ku i ftuar do të jetë ministri i Ekonomisë Arben Ahmetaj, i cili këtë herë do të ketë përballë një paneli ku të ftuar janë; analisti Artan Hoxha, kryeredaktorja e revistës “Monitor” Ornela Liperi, përfaqësuesi i Konfindustrisë Gjergj Buxhuku, dhe kryeredaktori i Departamentit të Informacionit në Tv Klan, Fatos Hakorja.